धनगढी पोष्ट

चट्याङले बालकको मृत्यु

Tue, 07 May 2024 13:31:30 +0545

अछाम- हावाहुरीसँगै परेको चट्याङका कारण अछामको रामारोशनमा एक ६ वर्षीय बालकको ज्यान गएको छ ।

सोमबार बेलुकी परेको चट्याङले रामारोशन गाउँपालिका ७ सुतारका कमल भण्डारीका ६ वर्षीय छोरा गौरव भण्डारीको निधन भएको हो ।

घरको दैलामा बसेको अवस्थामा टाउकोमा परेको चट्याङले गौरवको घटनास्थलम‌ै निधन भएको पूर्व वडाध्यक्ष खडक भण्डारीले जानकारी दिए ।

फोनको नेटवर्क नभएका कारण बिहान मात्रै प्रहरीलाई जानकारी दिएको भण्डारीको भनाइ छ ।

सोमबार बेलुकी नै परेको चट्याङका कारण सोही वडाका नयाँ राम भण्डारीको एक भैँसी पनि मरेको बताइएको छ ।

शुक्लाफाँटामा पुरुषको शव फेला

Tue, 07 May 2024 13:27:45 +0545

धनगढी- कञ्चनपुरमा एक पुरुषको शव फेला परेको छ। जिल्लाको शुक्लाफाँटा नगरपालिकाको वडा नम्बर ७ मा रहेको मध्यवर्ताी सामुदायीक वनमा शव फेला परेको ७ नम्बरका वडाध्यक्ष प्रताप धामीले जानकारी दिए।

उनका अनुसार मृतकको विवरण अहिले खुलेको छैन। यस सम्बन्धमा इलाका प्रहरी कार्यालयबाट अनुसन्धान भइरहेको उनले बताए।

शुक्लाफाँटामा पुरुषको शव फेला

Tue, 07 May 2024 13:27:45 +0545

बैतडीमा चट्याङ लागेर भैंसी मर्यो

Tue, 07 May 2024 13:25:23 +0545

बैतडी- बैतडीमा चट्याङ लागेर एक भैंसी मरेको छ। जिल्लाको पाटन नगरपालिका वडा नम्बर १ लदौलीका तेजराज भट्टराईको घरमा चट्याङ पर्दा गोठमा बाँधेको भैंसी मरेको जिल्ला प्रहरी कार्यालय बैतडीका प्रवक्ता प्रहरी निरीक्षक नन्दराज जोशीले जानकारी दिए।

सोमवार राति भट्टराईको घरमा चट्याङ परेको कारण विद्युतको मिटर बक्समा क्षति पुगेको छ।

चट्याङले मानवीय क्षति नभएको प्रहरीले जनाएको छ। लामो समयदेखि पानी नपरेका कारण वर्षा र हावाहुरी आउँदा चट्याङको जोखिम रहेकाले सतर्कता अपनाउन प्रहरीले आग्रह समेत गरेको छ।