धनगढी पोष्ट
आइतबार, २२ पुष २०८० मा प्रकाशित
धनगढी । धनगढी उप महानगरपालिकाले एक सय ९१ जनाको निशुल्क क्यान्सर रोगको परिक्षण गरेको छ । शुशील कोइराला प्रखर क्यान्सर अस्पताल खजुरा बाँकेको सहकार्यमा धनगढी उप महानगरपालिकाले शनिबार निशुल्क क्यान्सर हेल्थ क्याम्प आयोजना गरेको थियो । सो क्याम्पमा एक सय ३८ महिला र ५३ जना पुरुषले निशुल्क रुपमा स्वास्थ्य परिक्षण गरेको धनगढी उप महानगरपालिकालेले जनाएको छ ।
क्याम्पपमा सहभागि मध्य ६३ जना महिलाको भीआइए विधिबाट पाठेघरको क्यान्सरको परिक्षण गर्दा तीन जना महिलामा क्यान्सरको पोजेटिभ लक्षण फेला परेको धनगढी उप महानगरपालिकाले जनाएको छ ।
यसैगरी १० जनामा संकास्पद क्यानसर रहेको भेटिएको छ । जसमा ६ जनाको स्तनमा गाठागुठी रहेको, एक जनाको घाँटीमा गाठागुठी भएको र दुई जनाको लामो समय घाउ भएर सञ्चो नभएको, एक जनाको पेटमा गाठागुठी रहेको भेटिएको उप महानगरले जनाएको छ । उनिहरुलाई थप उपचारका लागि रेफर गरिएको छ । क्याम्पमा यस अघिनै क्यान्सर रोग पक्ता लागेका ४ जनाको स्वास्थ्यकर्मीले फलोअप पनि गरेका थिए ।
शिविरमा शुशील कोइराला क्यान्सर अस्पतालका निर्देशक डा.निरज भट्टराई, मेडिकल अन्कोलोजिष्ट डा. सजन थापा, रेडियोलोजिस्ट डा. मुकेस यादव, अन्कोलोजिष्ट डा. विपिन गुरागाई, मेडिकल अफिसर डा. चिरञ्जिवि र डा रामनाथले विरामीको चेकजाँच गरेका थिए । स्वास्थ्य शिविर धनगढी उपमहानगरपालिका–१६ घसीटामा सञ्चालन गरिएको थियो ।