एकै दिनमा अमेरिका र ब्राजिल भन्दा बढी कोरोना संक्रमित थपिए भारतमा

काठमाडौं

  भारतमा शनिबार एकै दिन ७० हजार ६८ जनामा संक्रमण पुष्टि भएको छ । भारतमा थपिएको  यो संख्या तिब्र रुपमा फैलिएको कोरोना भाइरसबाट पछिल्लो २४ घण्टामा अमेरिका र ब्राजिलमा थपिएकाृ संख्या भन्दा बढी हो ।

   शनिबार एकै दिनमा अमेरिकामा ४३ हजार ८ सय जना र ब्राजिलमा ४६ हजार २ सय जनामा संक्रमण पुष्टि भएको छ । यसअघि बुधबार ६९ हजार १ सय, बिहीबार ६८ हजार ६८ हजार ५ सय र शुक्रबार ६९ हजार ३९ जनामा संक्रमण पुष्टि भएको थियो ।

  भारतमा एकै दिनमा यति धेरै संक्रमित थपिएको यो अहिलेसम्मको सबै भन्दा बढी हो ।

 भारतमा अहिलेसम्म सबै भन्दा धेरै महाराष्ट्र राज्यमा कोरोना संक्रमित र मृतक छन्  । महाराष्ट्र राज्यमा  ६ लाख ७१ हजार ९ सय भन्दा धेरैमा संक्रमण भएको  छ भने २१ हजार ९ सय ९५ जनाको मृत्यु भएको छ ।

  यस्तै तमिलनाडुमा ३ लाख ७३ हजार ४ सय संक्रमित छन् भने ६ हजार ४ सय २० जनाको मृत्यु भएको छ । आन्द्र प्रदेशमा ३ लाख ४५ हजार २ सय भन्दा धेरै संक्रमित हुँदा ३ हजार १ सय ८९ को मृत्यु भएको स्वास्थ्य मन्त्रालयले जनाएको छ ।