देशभर थप १३५९ जनामा कोरोना पुष्टि

धनगढी

  देशभर शुक्रबार थप १३ सय ५९ जनामा कोरोना भाइरसको संक्रमण पुष्टि भएको छ । यस सँगै नेपालमा कोरोना संक्रमितको कुल संख्या ४४ हजार २ सय ३६ पुगेको छ ।

  स्वास्थ्य तथा जनसंख्या मन्त्रालयका अनुसार शुक्रबार १ हजार ३ सय ५४ जना कोरोना संक्रमित डिस्चार्ज भएका छन् । हालसम्म डिस्चार्ज हुनेको संख्या २५ हजाजर ५ सय ६१ पुगेको छ ।

 पछिल्लो २४ घण्टामा १३ हजार ६ सय ३८ पीसीआर परीक्षण गरिएको स्वास्थ्य मन्त्रालयले जनाएको छ । देशभर सक्रिय संक्रमितको संख्या १८ हजार ४ सय ४ रहेको छ । क्वारेन्टिनमा ६ हजार ५ सय ६१ जना रहेका छन् ।

 यस्तै काठमाडौँ उपत्यकामा ४  सय ५४ जना कोरोना संक्रमित थपिएका छन् । काठमाडौँमा ३ सय ८६, भक्तपुरमा ३६ र ललितपुरमा ३२ जना कोरोना संक्रमित थपिएको स्वास्थ्य मन्त्रालयले जानकारी दिएको छ ।