सुदूरपश्चिममा सक्रिय संक्रमितको संख्या ७५४, कैलालीमा ५ सय नजिक

धनगढी

 सुदूरपश्चिम प्रदेशमा कोरोना संक्रमितको संक्रिय संख्या ७ सय ५४ पुगेको छ ।

 शुक्रबार प्रदेशका दुई वटा कोरोना परिक्षण प्रयोगशालामा गरिएको परिक्षणमा १८ जनामा कोरोना संक्रमण पुष्टि भए संगै प्रदेशका ९ वटै जिल्लामा कुल सक्रिय संक्रमितको संख्या ७ सय ५४ पुगेको हो । जिल्लाका सक्रिय संक्रमित संख्या मध्य कैलालीमा सक्रिय संक्रमितको संख्या पाँच सय नजिक पुगेको छ ।

 सुदूरपश्चिम प्रदेश स्वास्थ्य निर्देशनालयका अनुसार शुक्रबार सम्म कैलालीमा ४ सय ६९ जना संक्रमित रहेका छन् । कैलाीमा १  हजार ९ सय ७३ जनामा संक्रमण पुष्टि भएकोमा १ हजार ४ सय ९६ जना संक्रमण मुक्त भएका छन् ।

 यसै गरी कञ्चनपुरमा सक्रिय संक्रमित ४ सय ७१, डोटीमा ४९, दार्चुलामा ७, डडेल्धुरामा ५, बाजुरमा ९, बझाङमा ७३, बैतडीमा ५६ र अछाममा ४० जना सक्रिय संक्रमित रहेको प्रदेश स्वास्थ्य निर्देशनालयले जनाएको छ । 

 हाल सम्म सुदूरपश्चिम प्रदेशमा ६ हजार २ सय १५ जनामा संक्रमण पुष्टि भएकोमा ५ हजार ४ सय ६१ जना संक्रमण मुक्त भएर घर गएकाछन् । कोरोना संक्रमणका कारण प्रदेशमा ११ जनाको मृत्यु भएको छ ।