बैतडी ५२ दिन पछि पुनः कोरोना संक्रमित मुक्त

धनगढी

 सुदूरपश्चिम प्रदेशको बैतडी जिल्ला ५२ दिन पछि पुनः कोरोना संक्रतिक मुक्त जिल्ला बनेको छ ।

 यस अघि बैतडी जिल्ला असार २९ गते पछि साउन १० गते सम्म संक्रमित मुक्त जिल्ला बनेको थियो । तर साउन १० गते पुनः ३ जनामा संक्रमण पुष्टि भएको थियो ।

 त्यस तया लगातार संक्रमित बढ्दै गएकोमा फेरी ५२ दिन पछि भदौ २९ गते बैतडीमा कोरोना संक्रमितको संख्या शुन्य भएको बैतडीका कोरोना फोकल पर्सन भुवन जोशीले बताए । उनका अनुसार बैतडीको पाटन नगरपालिकामा एक जना संक्रमित व्यक्ति रहेकोमा ती व्यक्ति सोमबार संक्रमण मुक्त भएर घर फर्केका थिए ।

 बैतडी जिल्लामा हाल सम्म ३ सय ७५ जनामा कोरोना संक्रमण पुष्टि भएकोमा सवै निकोभएका कोरोना फोकल पर्सन जोशीले बताए ।

 उनका अनुसार बैतडीमा १२ हजार ७६ जना भारत तथा जिल्ला बाहिरका अन्य स्थानबाट फर्केर क्वारेन्टिनमा बसेका थिए । ती मध्ये हालसम्म ४ हजार २८ जनाको पीसीआर परीक्षण भएको छ ।