डोटीमा ६ जना सैनिकमा कोरोना संक्रमण

डोटी

  डोटीमा गरिएको परिक्षणमा कोरोना संक्रमण देखिएका मध्य छ जना नेपाली सेना रहेका छन् ।

  जिल्ला अस्पताल डोटीको प्रयोगशालामा मंगलबार गरिएको परीक्षणमा डोटीमा कार्यरत ६ जना नेपाली सेना सहित १४ जनामा कोरोना पुष्टि भएको हो ।

  स्वास्थ्य कार्यालयका प्रमुख रमेश मलासीका अनुसार राजपुर स्थित सुल्लेखमा रहेको ब्यारेकका थप ४ जना र राजपुरमा रहेको ब्यारेकका २ जना गरी ६ जना नेपाली सेनाका जवानमा कोरोना पुष्टि भएको हो ।

   यसअघि कोरोना पुष्टि भएका नेपाली सेनाका १५ जनाको रिपोर्ट पुनः पोजेटिभ आएको छ ।