बलात्कारमा संलग्न भएको आरोपमा थप एक पक्राउ

धनगढी
  किशोरीलाई सामुहिक बलातकारमा संलग्न भएको आरोपमा कञ्चनपुरको वेल्डाँडीका थप एक युवक पक्राउ गरेका छन् ।
पक्राउ पर्नेमा वेल्डाँडी गाउँपालिकाका २२ बर्षे सुरज साउँद रहेको जिल्ला प्रहरी कार्यालय कञ्चनपुरले जनाएको छ । उनलाई बेल्डाडी गाउँपालिकामा १६ वर्षीया किशोरीलाई भदौ १४ गते देखी बन्धक बनाएर सामूहिक बलात्कार गरेको आरोपमा पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरिक्षक अमरबहादुर थापाक्षेत्रीले बताए । 
 बलात्कार आरोप लागेपछि फरार साउँदलाई बेलौरी नगरपालिका क्षेत्रबाट पक्राउ गरिएको उनले बताए । सोही घटनामा संलग्न भएको आरोपमा यस अघि दुई जना पक्राउ परेका प्रहरी प्रबक्ता थापाक्षेत्रिले बताए । 
 घटनाको अनुसन्धानमा लापरवाही गरेको भन्दै ईलाका प्रहरी कार्यालय बेल्डाडीमा कार्यरत प्रहरी जवान रोहित रोकायालाई प्रहरीले कारवाहीको दायरामा ल्याईएको छ ।