धनगढीका १४ सहित सेतीको परिक्षण्मा थप ३२ जनामा कोरोना संक्रमण पुष्टि

धनगढी

 धनगढी उप–महानगरपालिकाका १४ जना सहित सेती प्रादेशिक अस्पतालमा गरिएको कोरोना परिक्षणमा थप ३२ जनामा संक्रमण पुष्टि भएमको छ ।

 पछिल्लो २४ घण्टामा सेती प्रादेशिक अस्पतालको प्रयोगशालामा गरिएको ३ सय ८ जनाको स्वाव परिक्षणमा धनगढीका १४ सहित कैलालीका २६, बैतडीका १ र कञ्चनपुरका ५ जनामा कोरोना संक्रमण पुष्टि भएको अस्पतालले जनाएको छ ।

 सेती प्रादेशिक अस्पतालद्वारा जारी प्रेस विज्ञप्ति अनुसार आज धनगढी उप–महानगरपालिका वडा नम्बर १ का १, वडा नम्बर–२ का २, वडा नमबर–३ का ६, वडा नम्बर–१२ का २, वडा नम्बर १७ का २, वडा नम्बर १९ का १ जनामा कोरोना संक्रमण पुष्टि भएको छ ।

 यसै गरी सेतीमै गरिएको परिक्षणमा कैलालीको घोडाघोडी नगरपालिका–१ का ६ जना, भजनी नगरपालिकाका १ जना, गोदावरी नगरपालिकाका ३ र कैलारी गाउँपालिकाका २ जनामा संक्रमण पुष्टि भएको छ ।

 सोमबार नै गरिएको परिक्षणमा कञ्चनपुरको कृष्णपुर नगरपालिकाका १ जना, महाकाली नगरपालिकाका १ जना,  पुनर्वास नगरपालिकाका २ र वेदकोट नगरपालिकाका १ जनामा संक्रमण पुष्टि भएको छ ।

यस्तै बैतडीको सुर्नयाँ गाउँपालिका–४ का १ जनामा पनि सोमबार गरिएको परिक्षणमा कोरोना संक्रमण पुष्टि भएको अस्पतााले जनाएको छ ।