सुदूरपश्चिमका थप २० जनामा कोरोना संक्रमण पुष्टि

धनगढी

 मंगलबार सुदूरपश्चिमका थप २० जनामा कोरोना संक्रमण पुष्टि भएको छ ।

 सेती प्रादेशिक अस्पताल र बैतडी जिल्ला अस्पतालको  प्रयोगशालामा गरिएको ३ सय ७० स्वाव मध्य २० जनामा कोरोना संक्रमण पुष्टि भएको हो ।

 मंगलबार सेती प्रादेशिक अस्पतालमा गरिएको दुई सय ८७ जनाको स्वाव परीक्षणमा १७ जनामा संक्रमण पुष्टि भएको आस्पतालले जनाएको छ ।

 प्रादेशिक अस्पतालका सूचना अधिकारी दिलिप कुमार श्रेष्ठका अनुसार मंगलबार संक्रमण पुष्टि हुनेमा धनगढी उप–महानगरपालिकाका–३ का दुई जना, वडा नम्वर १, ८ र १७ का एक÷एक जनामा संक्रमण पुष्टि भएको छ ।

 यसैगरी कैलालीको गोदावरी नगरपालिका र चुरे गाउँपालिकाका दुई÷दुई जनामा कञ्चनपुरको शुक्लाफाँटा नगरपालिका र पुनरवास नगरपालिकाका तीन÷तीन जना, अछामको मेल्लेख–६ का एक जना र ठेगाना नखुलेका एक जनामा समेत मंगलबार संक्रमण पुष्टि भएको सूचना अधिकारी श्रेष्ठले बताए ।

 यसैगरी बैतडी जिल्ला अस्पतालमा गरिएको ८३ जनाको स्वाव परिक्षणमा बैतडीका २ र दार्चुलाका १ जनामा कारोना संक्रमण पुष्टि भएको जनाइएको छ ।

 अस्पतालका निमित्त मेडिकल सुपरिटेण्डेण्ट डाक्टर डक्बर जंग सिंहका अनुसार संक्रमण पुष्टि हुनेमा दशरथचन्द नगरपालिका बैतडीका १ पुरुष, दोगडाकेदार गाउँपालिकाका १ पुरुष र नेपाल टेलिकम दार्चुलामा कार्यरत १ पुरुषमा संक्रमण पुष्टि भएको हो ।

 मंगलबार डडेल्धुरा र डोटीमा भने कुनै नागरिकमा कोरोना संक्रमण पुष्टि भएको छैन । डडेल्धुरामा गरिएको १ सय ५५ र डोडीमा गरिएको ६८ स्वाव परिक्षणमा सवै नमूनाको नतिजा नेगेटिभ आएको छ ।