कर्मचारीमा संक्रमण पुष्टि पछि मालपोत कार्यालय कैलाली सिल

धनगढी

   भुमी सुधार तथा मालपोत कार्यालय कैलालीका एक कर्मचारीमा कोरोना संक्रमण पुष्टि भएपछि आज देखि शुक्रवार सम्मका लागि कार्यालय सिल गरिएको छ ।

   मंगलवार साँझ सेती प्रादेशीक अस्पतालले प्रकाशित गरेको विज्ञप्तिमा कर्मचारीका कोरोना देखिएपछि शुक्रवार सम्मका लागि कार्यालय सिल गरिएको भुमी सुधार तथा मालपोत कार्यालय कैलालीका प्रमुख मालपोत अधिकृत सुरेन्द्र केसीले जानकारी   दिए । उनले कार्यालयमा रहेका ५० जना कर्मचारीको आज पिसिआर गरिने बताए । कार्यालय सिल भएपछि सम्पुर्ण सेवा बन्द भएको छ ।

  तीन महिनादेखि सेवा बन्द भएकाले आइतवारदेखि सेवाग्राहीको भिड बढेको थियो, उनले भने,–‘सेवाग्राहीलाई सामाजिक दुरी कायम गर्नका लागि आग्रह गर्दा समेत मान्दैनन् ।’