धनगढीका थप २६ सहित सेतीको परिक्षणमा ३६ जनामा कोरोना पुष्टि

धनगढी

 बुधबार धनगढीमा मात्रै थप २६ जनामा कोरोना संक्रमण पुष्टि भएको छ । सेती प्रादेशिक अस्पतालको कोरोना परिक्षण प्रयोगशालामा भएको परीक्षणमा बुधवार धनगढीका २६ सहित कैलाली कञ्चनपुरका ३६ जनामा कोरोना संक्रमण पुष्टि भएको अस्पतालका सुचना अधिकारी दिलिप कुमार श्रेष्ठले बताए ।

 उनका बुधबार संक्रमण पुष्टि हुनेमा धनगढी उप–महानगरपालिका वडा नम्वर २ का ८ जना र धनगढी उप–भमहानगरपालिका वडा नम्वर १३ का ८ जना रहेका छन् । यसै गरी धनगढी– १, ३ र ५ नम्बर वडाका दुई÷दुई जना, वडा नम्वर ४ , ११, १४ र १८ का एक÷एक जनामा संक्रमण पुष्टि भएको सूचना अधिकारी श्रेष्ठले बताए ।

 बुधबार नै सेतीमा गरिएको परिक्षणमा कैलालीको गोदावरी नगरपालिकाका ४ महिलार ४ पुरुष गरी ८ जना, भजनीका १ कञ्चनपुरको कृष्णपुर नगरपालिकाका १ जनामा कोरोना संक्रमण पुष्टि भएको छ ।