कोरोना संक्रमणका कारण सुदूरपश्चिममा थप एकको मृत्यु

धनगढी

कोरोना संक्रमणका कारण सुदूरपश्चिम प्रदेशमा थप १ जनाको मृत्यु भएको छ ।

मृत्यु हुनेमा बैतडीको पुर्चौडी नगरपालिका–३ का अन्दाजी ३० बर्षे पदम बोहरा रहेका छन् । भारतको बैङ्लोरबाट फर्किएका उनी शनिबार पुर्चौडी नगरपालिका–१ स्थित लामाधारमा मृत भेटिएका थिए ।

मृतक बोहराको डडेल्धुरा अस्पतालमा स्वाव परिक्षण गर्दा कोरोना पोजेटिभ रिपोर्ट आएको स्वास्थ्य कार्यालय बैतडीका कोरोना फोकल पर्सन भुवन जोशीले बताए । फोकल पर्सन जोशीका अनुसार उनको शव व्यवस्थापन नेपाली सेनाले गर्ने छ ।

बोहराको मृत्यु संगै सुदूरपश्चिम प्रदेशमा कोरोना संक्रमणका कारण मृतयु हुको संख्या १४ पुगेको छ ।