देशभर थप १२०७ जनामा कोरोना पुष्टि, ११४७ जना डिस्चार्ज

धनगढी

  नेपालमा शनिवार थप १ हजार २ सय ७ जनामा कोरोना भाइरसको संक्रमण पुष्टि भएको छ । यस सँगै नेपालमा कोरोना संक्रमितको संख्या ७१ हजार ८ सय २१  पुगेको छ ।

  स्वास्थ्य तथा जनसंख्या मन्त्रालयका अनुसार शनिबार १ हजार १ सय ४७ जना कोरोना संक्रमित डिस्चार्ज भएका छन् । हालसम्म डिस्चार्ज हुनेको संख्या ५३ हजार १३ पुगेको छ ।

  पछिल्लो २४ घण्टामा १० हजार १९  जनाको पीसीआर परीक्षण गरिएको स्वास्थ्य मन्त्रालयले जनाएको छ । मन्त्रालयका अनुसार हाल देशभर १८ हजार ३ सय ४१ जना सक्रिय संक्रमित छन् । यस्तै ६ हजार ३ सय ३१ जना क्वारेन्टिनमा छन् ।