धनगढीमा कोरोना संक्रमितको संख्या ५ सय ७१ पुग्यो

धनगढी

 शनिबार धनगढीका ३६ जनामा कोरोना संक्रमण पुष्टि भए संगै उप–महानगरपालिकामा कोरोना संक्रमितको कुल संख्या ५ सय ७१ पुगेको छ ।

 शनिबार धनगढीमा ३७ जनामा कोरोना संक्रमण पुष्टि भएपनि १ जना संक्रमितकै पुनः स्वाव परिक्षण गरिएको थियो ।

 धनगढी उप–महानगरपालिकाका स्वास्थ्य शाखा संयोजक लक्ष्मी उपाध्यायका अनुसार हाल सम्म धनगढीमा मात्रै सक्रिय संक्रमितको संख्या १ सय २७ पुगेको छ ।

 उनका अनुसार शनिबार संक्रमण पुष्टि हुनेमा वडा नम्वर १ का ११ जना, वडा नम्वर २ का ६ जना, वडा नम्वर ३ का चार जना र वडा नम्वर ४ का तीन जनामा संक्रमण पुष्टि भएको छ ।

 यस्तै वडा नम्वर ५ का एक जना, वडा नम्वर ६ का तीन जना, वडा नम्वर ७ का एक जना, वडा नम्वर ८ का पाँच जना र वडा नखुलेका तीन जनामा संक्रमण पुष्टि भएको हो ।