अन्तरपार्टी महिला संजालद्धारा बझाङमा वालिका हत्या घटनाको छानविन माग

धनगढी

  अन्तरपार्टी महिला संजाल सुदूरपश्चिम प्रदेशले विभत्स हत्या गरिएकी बझाङकी १२ वर्षीया बालिका सम्झना कामीको न्यायको लागि माग गरेको छ ।

  संजालकी प्रदेश अध्यक्ष देवकी मल्ल थापाले शनिवार एक प्रेस बिज्ञप्ती जारी गरि बझाङको मष्टा गाउँपालिका वडा नंम्बर २ कि १२ बर्षिय सम्झाना कामीको असोज ७ गते राती नग्न अबस्थामा शब फेला परेको घटना प्रति गम्भिर ध्यानकर्षण भएको जनाएकी छन् ।

  अध्यक्ष मल्ल थापाद्धारा हस्ताक्षरित बिज्ञप्तीमा तिनै तहका सरकार लाई वाल अधिकारको संरक्षण गरि वालवालिकाको रक्षा गर्न आग्रह गरिएको छ । साथै बझाङको घटनाको यथासिघ्र छानविन गरि दोषिलाई कडा कार्वाही गर्न बिज्ञप्तीमा माग गरिएको छ ।

गएको बुधबार बझाङमा हजुरबुवाको संरक्षणमा बस्दै आएकी बालिका सम्झनाको विभत्स हत्या गरिएको अवस्थामा घर नजिकैको मन्दिरमा शव फेला परेको थियो । प्रहरीले सम्झनाको बलात्कारपछि हत्या भएको अनुमान गरे पनि शव परीक्षणको रिपोर्ट प्राप्त भइसकेको छैन ।