कैलालीका थप ४७ जनामा कोरोना संक्रमण पुष्टि

धनगढी

 कैलालीका ४७ सहित सेती प्रादेशिक अस्पतालमा गरिएको कोरोना परिक्षणमा आइतबार थप ४८ जनामा कोरोना संक्रमण पुष्टि भएको छ ।

 पछिल्लो २४ घण्टाको अवधीमा सेती प्रादेशिक अस्पताको प्रयोगशालामा गरिएको ४ सय ४ जनाको स्वाव परिक्षणमा धनगढीका १३, गोदावरीका १३ र टिकापुर नगरपालिकाका २१ तथा कञ्चनपुरका १ जनामा कोरोना पुष्टि भएको अस्पतालले जनाएको छ ।

 अस्पतालका सूचना अधिकारी दिलिप कुमार श्रेष्ठका अनुसार आइतबार संक्रमण पुष्टि हुनेमा धनगढी १, ५ र ८ नम्बर वडाका १÷१ जना, धनगढी २ का ४, वडा नम्बर ३ का तीन र ठेगाना नखुलेका १ जनामा कोरोना संक्रमण पुष्टि भएको छ ।

 यसै गरी आइतबार नै गोदावरी नगरपालिकाका १३ पुरुष, टिकापुर नगरपालिकाका १४ पुरुष र ७ महिला गरी २१ जना र कञ्चनपुरको भिमदत्त नगरपालिका–१० का १ महिलामा कोरोना संक्रमण पुष्टि भएको सूचना अधिकारी श्रेष्ठले बताए ।