कैलालीका २६ सहित थप ३४ जनामा कोरोना संक्रमण पुष्टि

धनगढी

 धनगढी स्थित सेती प्रादेशिक अस्पतालमा गरिएको कोरोना परिक्षणमा सोमबार कैलालीका २६ सहित थप ३४ जनामा कोरोना संक्रमण पुष्टि भएको छ ।

 सेती प्रादेशिक अस्पतालका सूचना अधिकारी दिलिप कुमार श्रेष्ठका अनुसार पछिल्लो २४ घण्टाको अवधिमा २ सय ३३ जनाको स्वाव परिक्षण गरिएको थियो ।

सोमबार संक्रमण पुष्टि हुनेमा धनगढीका ९ महिला र ९  पुरुष गरी १८ जना, घोडाघोडीका १ महिला १  पुरुष, जोशिपुरका १ महिला १ पुरुष रहेका छन् ।

 यसै गरी कञ्चनपुरको भिमदत्तनगर नगरपालिका–११ का १ महिला ६ पुरुष र शुक्लाफाँटा नगरपालिकाका १ पुरुषमा पनि सोमबार कोरोना संक्रमण पुष्टि भएको सूचना अधिकारी श्रेष्ठले बताए ।