धनगढीमा मात्र बुधबार ९० जनामा संक्रमण पुष्टि

धनगढी

   धनगढी उपमहानगरपालिकामा मात्र एकैदिन ९० जनामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा भएको परीक्षणमा धनगढीका ९० जनामा संक्रमण पुष्टि भएको हो ।

  सेती प्रादेशीक अस्पतालले जारी गरेको बिज्ञप्ती अनुसार वडा नम्वर १ का २६ जना, वडा नम्वर २ का २२ जना, वडा नम्वर ३ का नौँ जना, वडा नम्वर ४ का १० जनामा संक्रमण पुष्टि भएको छ ।

वडा नम्वर ५ का चार, वडा नम्वर ६ का दुई, वडा नम्वर ७ का चार, वडा नम्वर ८ का सात, वडा नम्वर ११, १२, १३ र १८ का एक÷एक जना र वडा नम्वर १९ का एक जनामा संक्रमण पुष्टि भएको बिज्ञप्तीमा उल्लेख छ । यो संगै धनगढीमा संक्रमितको संख्या सात सय पुगेको छ ।