धनगढीका ३६ सहित सेतीको परिक्षणमा थप ९७ जनामा संक्रमण पुष्टि

धनगढी

 सेती प्रादेशिक अस्पतालको प्रयोगशालामा गरिएको स्वाव परिक्षणमा धनगढी उप–महानगरपालिकाका ३६ सहित थप ९७ जनामा कोरोना संक्रमण पुष्टि भएको छ ।

 पछिल्लो २४ घण्टाको अवधिमा सेतीमा गरिएको ४ सय ८२ जनाको स्वाव परिक्षणमा कैलालीका ९१, कञ्चनपुरका ५ र दार्चुलाका १ जनामा संक्रमण पुष्टि भएको छ ।

 सेती प्रादेशिक अस्पतालका सूचना अधिकारी दिलिप कुमार श्रेष्ठका अनुसार संक्रमण पुष्टि हुनेमा धनगढी उप–महानगरपालिकाका ३६, गोदावरी नगरपालिकाका ३२, घोडाघोडी नगरपालिकाका ४, जानकी गाउँपालिकाका ५ र बर्दगोरिया गाउँपालिकाका १ जनामा कोरोना संक्रमण पुष्टि भएको छ ।

 यसै गरी कञ्चनपुरको भिमदत्तनगर नगरपालिकाका २, वेलौरी नगरपालिका, पुनरर्वास नगरपालिका र लालझाडी गाउँपालिकाका १÷१ जनागरी ५ जना तथा दार्चुलाका १ जनामा पनि सेतीको परिक्षणमा कोरोना संक्रमण पुष्टि भएको सूचना अधिकारी श्रेष्ठले बताए ।