कोरोना संक्रमणका कारण कोहलपुरमा २९ वर्षीया सुत्केरीको मृत्यु

धनगढी

   कञ्चनपुरकी एक सुत्केरीको कोहलपुरमा उपचारको क्रममा मृत्यु भएको छ । गर्भवती हुँदा नै निरन्तर रक्तश्राव भइरहेकी २९ वर्षीया महिलाले जुम्ल्याहा बच्चा जन्माएकी थिइन् ।

  बच्चा जन्माएपछि पनि रक्तश्राव नरोकिएपछि उनलाई कोहलपुर मेडिकल कलेजमा रिफर गरिएको थियो । सेती प्रादेशीक अस्पताल धनगढीमाबच्चा जन्माएकी महिलाको अशोज १४ गते पीसीआर जाँच गरिएको थियो । जसको रिपोर्ट पोजिटिभ आएको थियो । कञ्चनपुरको महेन्द्रनगर निवासी महिलालाई १५ गते कोहलपुरमा लगिएको थियाृ ।

 कोहलपुरमा ल्याउँदा महिला बेहोस रहेकी थिइन् । उनको आइतबार बिहान मृत्यु भएको जिल्ला स्वास्थ्य कार्यालय, बाँकेका अधिकृत एवं कोरोनाका फोकल पर्सन नरेश श्रेष्ठले जानकारी दिए ।