धनगढीका २५ सहित सेतीको परिक्षणमा थप ३५ जनामा संक्रमण पुष्टि

धनगढी

 धनगढी उप–महानगरपालिकाका २५ सहित सेती प्रादेशिक अस्पतालको कोरोना प्रयोगशालामा गरिएको परिक्षणमा थप ३५ जनामा कोरोना संक्रमण पुष्टि भएको छ ।

 पछिल्लो २४ घण्टाकोअवधिका सेतीमा गरिएको ४ सय ६ जनाको स्वाव परिक्षणमा धनगढीका २५ सहित कैलालीका २८ जना र कञ्चनपुरका ७ जनामा कोरोना संक्रमण पुष्टि भएको अस्पतालले जनाएको छ ।

 अस्पतालका सूचना अधिकारी दिलिप कुमार श्रेष्ठका अनुसार आइतबार धनगढीका २५, टिकापुर नगरपालिकाका २, गोदावरी नगरपालिकाका १ जनामा कोरोना संक्रमण पुष्टि भएको छ ।

 यसैगरी आइतबार नै सेतीको परिक्षणमा कञ्चनपुरको वेदकोट नगरपालिकाका ४ जना, केलौरी नगरपालिकाका २ जना र पुनर्वास नगरपालिकाका १ जनामा कोरोना संक्रमाण पुष्टि भएको सूचना अधिकारी श्रेष्ठले बताए ।