सुदूरपश्चिम प्रदेशमा विहिवार थप ४१ जनामा संक्रमण पुष्टि

धनगढी

  सुदूरपश्चिम प्रदेशका विहिवार थप ४१ जनामा कोरोना संक्रमण पुष्टि भएको छ । प्रदेशका तीन वटा प्रयोगशालामा गरिएको परिक्षणमा ४१ जनामा संक्रमण पुष्टि भएको हो ।

 सुदूरपश्चिम प्रदेशमा पछिल्लो २४ घण्टामा तीन वटा प्रयोगशालामा गरि ६ सय २० जनाको कोरोना परीक्षण गरिएको छ ।

  सेती प्रादेशिक अस्पतालको प्रयोगशालामा पछिल्लो २४ घण्टामा तीन सय १३ जनाको कोरोना परीक्षण भएकोमा धनगढीका १२ सहित थप २४ जनामा संक्रमण पुष्टि भएको अस्पतालद्धारा जारी बिज्ञप्तीमा उल्लेख   छ । बिज्ञप्ती अनुसार धनगढी उप–महानगरपालिकाका १२ जना, गोदावरी नगरपालिकाका ६ जना र गौरीगंगा नगरपालिकाका एक जना गरी कैलालीका १९ र कञ्चनपुरका पाँच जनामा संक्रमण पुष्टि भएको छ ।

 विहिवार नै डोटी जिल्ला अस्पतालको प्रयोगशालामा भएको परीक्षणमा १० जनामा संक्रमण पुष्टि भएको छ । ७४ जनाको कोरोना परीक्षण भएकोमा १० जनालाई संक्रमण पुष्टि भएको अस्पतालले जनाएको छ । अस्पतालका प्रयोगशाला इन्चार्ज शौरभ श्रेष्ठका अनुसार अछामको साफेबगर नगरपालिकाका ६ पुरुष र ४ महिला गरी १० जनामा कोरोना पुष्टि भएको हो ।

 डडेल्धुरा अस्पतालको प्रयोगशालामा पछिल्लो २४ घण्टामा एक सय २९ जनाको कोरोना परीक्षण भएकोमा ७ जनामा संक्रमण पुष्टि भएको छ ।