बैतडीको पाटन नगरपालिका एक हप्ताका लागि सिल

धनगढी

 कर्मचारीमा कोरोना संक्रमण पुष्टि भएपछि बैतडीको पाटन नगरपालिका १ साताका लागि सील गरिएको छ ।

 शुक्रबार नगरपालिकामा कार्यरत दुईजना कर्मचारीमा कोरोना पुष्टि भएको थियो । डडेल्धुरा अस्पतालको प्रयोगशालामा गरिएको परीक्षणमा दुइजना कर्मचारीमा कोरोना पुष्टि भएको पाटन नगरपालिकाका स्वास्थ्य शाखा प्रमुख मदनसिंह महराले बताए ।

 यस्तै संक्रमित कर्मचारीको सम्पर्कमा रहेका नगरपालिकाका कर्मचारी, जनप्रतिनिधि र अन्यको स्वाब संकलन गरेर कोरोना परीक्षण गरिने पाटन नगरपालिकाका स्वास्थ्य शाखा प्रमुख महराले बताए ।