धनगढीका २६ सहित थप ३६ जनाको कोरोना संक्रमण पुष्टि

धनगढी

 धनगढी स्थित सेती प्रादेशिक अस्पतालमा गरिएको परिक्षणमा मंगलबार धनगढी उप–महानगरपालिकाका २६ सहित थप ३६ जनामा कोरोना संक्रमण पुष्टि भएको छ ।

 पछिल्लो २४ घण्टाको अवधिमा सेती प्रादेशिक अस्पतालमा गरिएको ५ सय ४८ जनाको स्वाव परिक्षणमा धनगढीका २६ सहित कैलालीका २९, कञ्चनपुरका ५ र डडेल्धुरा तथा दार्चुलाका १÷१ जनामा संक्रमण पुष्टि भएको अस्पतालले जनाएको छ ।

 सेती प्रादेशिक अस्पतालका सूचना अधिकारी दिलिप कुमार श्रेष्ठका अनुसार मंगलबार संक्रमण पुष्टि हुनेमा धनगढीका २६, लम्की चुहा नगरपालिका र गौरिगंगा नगरपालिकाका १÷१ तथा पहिचान नखुलेका कैलालीका १ जना रहेका छन् ।

 यसै गरी कञ्चनपुरको भिमदत्त नगरपालिका, पनर्वास नगरपालिका र महाँकाली नगरपालिकाका १÷१ तथा कृष्णपुर नगरपालिकाका २ जनामा समेत मंगलबार संक्रमण पुष्टि भएको छ । 

 मंगलबार नै सेतीको परिक्षणमा डडेल्धुरा तथा दार्चुलाका १÷१ जनामा समेत संक्रमण पुष्टि भएको सूचना अधिकारी श्रेष्ठले बताए ।