धनगढीका ३१ सहित सेतीको परिक्षणमा थप ६० जनामा कोरोना पुष्टि

धनगढी

 धनगढी उप–महानगरपालिकाका ३१ जना सहित सेती प्रादेशिक अस्पतालको प्रयोगशालामा गरिएको परिक्षणमा थप ६० जनामा कोरोना संक्रमण पुष्टि भएको छ ।

 पछिल्लो २४ घण्टाको अवधिका सेती प्रादेशिक अस्पतालमा गरिएको ४ सय ३२ जनाको स्वाव परिक्षणमा धनगढीका ३१ सहित कैलालीका ५१, बझाङका १ र कञ्चनपुरका ८ जनामा संक्रमण पुष्टि भएको छ ।

 सेती प्रादेशिक अस्पतालका सूचना अधिकारी दिलिप कुमार श्रेष्ठका अनुसार बुधबार संक्रमण पुष्टि हुनेमा कैलालीको धनगढीका ३१, लम्किचुहा नगरपालिका र भजनी नगरपालिकाका १÷१, गोदावरी नगरपालिकाका ७, कैलारी गाउँपालिकाका ४ र टिकापुर नगरपालिकाका ७ जना रहेका छन् ।

 यसैगरी बुधबारनै गरिएको परिक्षणमा कञ्चनपुरको बेलौरी र पुनरर्वास नगरपालिकाका १÷१, वेतकोट नगरपालिकाका ४ र पहिचान नखेलुका २ जनामा संक्रमण पुष्टि भएको अस्पतालले जनाएको छ ।

 बुधबार नै सेतीमा गरिएको परिक्षणमा कझाङका १ जनामा पनि संक्रमण पुष्टि भएको अस्पतालका सूचना अधिकारी श्रेष्ठले बताए ।