धनगढीका २३ सहित सेतीको परिक्षणमा थप ४७ जनाको कोरोना पुष्टि

धनगढी

 धनगढी उप–महानगरपालिकाका २३ सहित सेती प्रादेशिक अस्पतालमा गरिएको परिक्षणमा थप ४७ जनामा कोरोना संक्रमण पुष्टि भएको छ ।

 सेती अस्पतालमा गरिएको ६ सय ६ जनाको स्वाव परिक्षणमा धनगढीका २३ सहित कैलालीका ४२, कञ्चनपुरका ४ र डोटीका १ जनामा संक्रमण पुष्टि भएको अस्पतालले जनाएको छ ।

 अस्पतालका सूचना अधिकारी दिलिप कुमार श्रेष्ठका अनुसार बुधबार संक्रमण पुष्टि हुनेमा धनगढी उप–महानगरपालिका ५ महिला र १८ पुरुष, टिकापुर नगरपालिका र कैलालरी गाउँपालिकाका २÷२ जना, गौरिगंगा नगरपालिका, लम्किचुहा नगरपालिकाका र बर्दगोरिया गाउँपालिकाका १÷१ जना र गोदावरी नगरपालिकाका ३ तथा पहिचान नखुलेका कैलालीका ७ जनामा कोरोना संक्रमण पुष्टि भएको छ ।

 यसै गरी बुधबार नै सेतीको परिक्षणमा कञ्चनपुरको कृष्णपुर, बेलौरी, पुनर्वास र भिमदत्त नगर नगरपालिकाका १÷१ जना तथा डोटीको केआईसिंह गाउँपालिकाका १ जनामा समेत कोरोना संक्रमण पुष्टि भएको अस्पतालका सूचना अधिकारी श्रेष्ठले बताए ।