कैलाली कञ्चनपुरका थप  २५ जनामा कोरोना पुष्टि

धनगढी

 सेती प्रादेशिक अस्पतालमा गरिएको परिक्षणमा थप २५ जनामा कोरोना संक्रमण पुष्टि भएको छ ।

 पछिल्लो २४ घण्टाको अवधिमा सेती प्रादेशिक अस्पतालमा गरिएको १ सय ८४ जनाको स्वाव परीषणमा कैलालीका १६ र कञ्चनपुरका ९ जनामा संक्रमण पुष्टि भएको हो ।

 अस्पतालका सूचना अधिकारी दिलिपकुमार श्रेष्ठका अनुसार संक्रमण पुष्टि हुनेमा धनगढी उपमहानगरपालिकाका–१ का ६ जना, वडा नम्बर ४ का १ जना र वडा नम्बर ५ का २ जनामा संक्रमण पुष्टि भएको छ ।

 यस्तै टीकापुर नगरपालिकाका ३ महिला र १ पुरुष गरी ४ जना, घोडाघोडी नगरपालिकाका २ पुरुष, गोदावरी नगरपालिकाका १ जनामा पनि कोरोना संक्रमण देखिउको श्रेष्ठले बताए ।

 यसैगरी कञ्चनपुरको भीमदत्त नगरपालिकाका २ महिला र ५ पुरुष गरी ७ जना, पुनर्वास नगरपालिका र बेल्डाडी गाउँपालिकाका १÷१ जनामा संक्रमण पुष्टि भएको सूचना अधिकारी श्रेष्ठले बताए ।