धनगढीका ३२ सहित थप ५२ जनामा कोरोना संक्रमण पुष्टि

धनगढी

 धनगढी उप–महानगरपालिकाका ३२ जना सहित शनिबार सेतीको परिक्षणमा थप ५२ जनामा कोरोना संक्रमण पुष्टि भएको छ ।

 शनिबार सेती अस्पतालको प्रयोगशालामा गरिएको ३ सय ९७ जनाको स्वाव परिक्षणमा कैलालीका ४६,  कञ्चनपुरका ५ डडेल्धुराका १ जनामा संक्रमण पुष्टि भएको हो ।

 अस्पतालका सूचना अधिकारी दिलिप कुमार श्रेष्ठका अनुसार संक्रमण पुष्टि हुनेमा कैलालीको धनगढी उप–महानगरपालिका वडा नमबर १ का २५ जना, वडा नम्बर ५ का २ जना, वडा नम्बर ७ र ८ का १÷१ जना रहेका छन् ।

 यसै गरी कैलालीकै जानकी गाउँपालिकाका ६ जना, गोदावरी नगरपालिकाका ४ जना र पहिचान नखुलेका कैलालीका ४ जनामा पनि शनिबार संक्रमण पुष्टि भएको श्रेष्ठले बताए ।

 उनका अनुसार शनिबार नै कञ्चनपुरको भिमदत्त नगरपालिकाका ५ तथा डडेल्धुराको अमरगढी नगरपालिकाका १ जनामा समेत संक्रमण पुष्टि भएको छ ।