कैलालीका २३ सहित सेतीको परिक्षणमा थप ३२ जनामा कोरोना पुष्टि

धनगढी

 कैलालीका २३ सहित सेती प्रादेशिक अस्पताल धनगढीमा गरिएको परिक्षणमा थप ३२ जनामा कोरोना संक्रमण पुष्टि भएको छ ।

 पछिल्लो २४ घण्टाको अवधिमा सेती प्रादेशिक स्पतालमा गरिएको ३ सय ३ जनाको स्वाव परिक्षणमा कैलालीका २३ र कञ्चनपुरका ९ जनामा संक्रमण पुष्टि भएको अस्पतालले जनाएको छ ।

 अस्पतालका सूचना अधिकारी दिलिपकुमार श्रेष्ठका अनुसार संक्रमण पुष्टि हुनेमा कैलालीको धनगढी उप–महानगरपालिका वडा नमबर १, ४, ७, ८ र १२ का १÷१ गरी ६ जना, वडा नम्बर ३ का ५ जना, वडा नम्बर ५ का ३  जना रहेका छन् ।

 यसैगरी सेतीकै परिक्षणमा कैलालीको गोदावरी नगरपालिकाका ४, टिकापुर नगरपालिकाका ३, घोडाघोडी नगरपालिकाका २ र लम्किचुहा नगरपालिकाका १ जनामा समेत संक्रमण पुष्टि भएको छ ।

 सूचना अधिकारी श्रेष्ठका अनुसार आइतबार सेतीमा गरिएको परिक्षणमा कञ्चनपुरको वेदकोट नगरपालिका वडा नम्बर–१० का ९ जनालाई समेत कोरोना संक्रमण पुष्टि भएको छ ।