धनगढीका ४३ सहित कैलालीका ६७ जनामा कोरोना संक्रमण पुष्टि

धनगढी

 सेती प्रादेशिक अस्पतालमा गरिएको कोरोना परिक्षणमा धनगढी उप–महानगरपालिकाका ४३ सहित कैलालीका ६७ जनामा संक्रमण पुष्टि भएको छ ।

 अस्पतालमा पछिल्लो २४ घण्टाको अवधिमा गरिएको ४ सय ३२ जनाको स्वाव परिक्षणमा कैलालीका ६७ तथा कञ्चनपुरका ३ जनामा समेत संक्रमण पुष्टि भएको अस्पतालले जनाएको छ ।

 अस्पतालका सूचना अधिकारीदिलिप कुमार श्रेष्ठका अनुसार संक्रमण पुष्टि हुनेमा धनगढी उप–महानगरपालिका १ का ७ जना, वडा नम्क्बर २ का ४ जना, वडा नम्बर ३ का ५ जना, वडा नम्बर ४ का ४ जना, वडा नमबर ५ का ११ जनामा संक्रमण पुष्टि भएको छ ।

 यसै गरी धनगढी उप–महानगरपालिका ६ का १ जना, वडा नम्बर ७ का ६ जना, वडा नम्बर ८ का ४ जना र परिचय नखुलेका धनगढीका १ जनामा समेत बिहीबार कोरोना संक्रमण पुष्टि भएको सूचना अधिकारी श्रेष्ठले बताए ।

 सेतीकै परिक्षणमा बिहीबार कैलालीको टिकापुर नगरपालिकाका ११ जना, गोदावरी नगरपालिकाका २ जना, गौरिगंगा नगरपालिकाका ५ जना, जानकी गाउँपालिकाका १ जना र परिचय नखुलेका ५ जना समेत कोरोना संक्रमण पुष्टि भएको सूचना अधिकारी श्रेष्ठले बताए ।

 उनका अनुसार बिहीबार नै सेतीको परिक्षणमा कञ्चनपुरको भिमदत्त नगरपालिकाका १ र कृष्णपुर नगरपालिकाका २ जनामा समेत संक्रमण पुष्टि भएको छ ।