कैलालीमा आज थप एक अर्को कोरोना संक्रमितको मृत्यु

धनगढी

 कैलालीमा आज नै थप अर्को कोरोना संक्रमितको मृत्यु भएको छ ।

 जिल्ला प्रशासन कार्यालय कैलालीका सूचना अधिकारी शिवराज जोशीका अनुसार कैलालीको टीकापुर नगरपालिका १ का ९० वर्षीय पुरुषको सोमबार मृत्यु भएको  हो । होम आइसोलेसनमा रहेका उनको आज बिहान मृत्यु भएको सुचना अधिकारी जोशीले जानकारी दिए  ।

 आज बिहान नै धनगढी उप–महानगरपालिका २ का ८४ वर्षीय पुरुषको पनि कोरोनाको कारण मृत्यु भएको छ । सेती प्रादेशिक अस्पताल धनगढीका सूचना अधिकारी दिलिप कुमार श्रेष्ठका अनुसार उनको सेतीको कोभिड अस्थायी अस्पतालमा उपचारको क्रममा मृत्यु भएको छ ।

 उनमा कडा खालको निमोनियाको समस्या देखिएको थियो । कार्तिक २१ कोरोना पोजिटिभ देखिएको उनलाई सो दिन नै अस्पताल भर्ना गरिएको थियो ।