कैलालीका ४७ सहित थप ६३ जनामा कोरोना संक्रमण पुष्टि

धनगढी

 कैलालीका ४७ सहित सेती प्रादेशिक अस्पतालमा गरिएको परिक्षणमा सोमबार थप ६३ जनामा कोरोना संक्रामण पुष्टि भएको छ ।

 पछिल्लो २४ घण्टाको अवधिमा धनगढी स्थित सेती प्रादेशिक अस्पतालमा गरिएको ३ सय ४१ जनाको स्वाव परिक्षणमा कैलालीका ४७ कञ्चनपुरका १५ र अछामका १ गरी ६३ जनामा संक्रमण पुष्टि भएको अस्पतालले जनाएको छ ।

 अस्पतालका सूचना अधिकारी दिलिपकुमार श्रेष्ठका अनुसार संक्रमण पुष्टि हुनेमा कैलालीको धनगढी उप–महानगरपालिका–१ का ५ जना, वडा नमबर २ का ५ जना, वडा नम्बर ३ का ४ जना, वडा नम्बर ४ का २ जना, वडा नम्बर ५ का १० जना, वडा नम्बर ८ का १ र वडा नम्बर १० का २ जनामा संक्रमण पुष्टि भएको छ ।

 सोमबार नै सेतीका परिएको परिक्षणमा कैलालीकै भजनी नगरपालिकाका ८ जना, टिकापुर नगरपालिकाका २ जना, गोदावरी नगरपालिकाका ३ जना, घोडाघोडी नगरपालिकाका २ जना र पहिचान नखुलेका ३  जनामा समेत संक्रमण पुष्टि भएको सूचना अधिकारी श्रेष्ठले बताए ।

 उनका अनुसार सोमबार नै कञ्चनपुरको बेलौरी नगरपालिकाका ८ जना, भिमदत्त नगरपालिकाका ७ जना तथा अछामका १ जनामा समेत कोरोना संक्रमण पुष्टि भएको छ ।