हिन्दु राष्ट्र पुर्नस्थापनाका लागि सुदूरपश्चिम प्रदेशको राजधानीमा बृहत प्रर्दशन हुदै

धनगढी

  हिन्दु राष्ट्र पुर्नस्थापना गर्न दवाव दिन सुदूरपश्चिम प्रदेशको राजधानी रहेको जिल्ला कैलालीमा बृहत ¥याली आयोजना हुने भएको छ ।

  सुदुरपश्चिम स्वतन्त्र देशभक्त समाजको आयोजनामा मंसिर ४ गते अर्थात भोली कैलालीमा जुलुस तथा ¥याली हुन लागेको आज धनगढीमा आयोजना गरिएको पत्रकार सम्मेलनमा आयोजकले जानकारी दिएका छन् ।

 ¥याली तथा प्रर्दशन कार्यक्रमका संयोजक रबिन्द्र कार्कीले हिन्दु राष्ट्र पुर्नस्थापना, संघियताको खारेजी र संबैधानीक राजतन्त्रको स्थापनाको माग सहित बृहत प्रर्दशन हुन लागेको पत्रकार सम्मेलनमा जानकारी दिए । उनले अहिलेको गणतान्त्रिक व्यवस्था असफल भएको आरोप लगाउँदै गणतन्त्रले विकास र समृद्धि  ल्याउनु नसकेको र भ्रष्टाचार, अनियमितता, कालो बजारी बढेकाले यसको विरुद्ध धनगढीदेखि अत्तरियासम्म प्रदर्शन गर्न लागेको बताए ।

भोली दिउसो १२ बजे धनगढीको बुद्धचोकबाट शुरु हुने ¥याली कैलालीकै अत्तरिया पुगेर पुन धनगढी फर्कने र कोण सभा हुने संयोजक कार्कीले जानकारी दिए ।

  धनगढीदेखि अत्तरियासम्म गरिने प्रदर्शनमा एक सय चार पांग्रे सवारी साधन सहित ३ हजार मोटरसाईकलको सहभागिता रहने अनुमान गरिएको कार्यक्रमका प्रबत्ता अशोक मल्लले जानकारी दिए ।  उनले सुदूरपश्चिम प्रदेशकासबै जिल्लाबाट देशभक्त स्वतन्त्र युवाहरुको ¥यालीमा सहभागिता रहने जानकारी दिए । उनले भने–‘यो कुनै पार्टीको समर्थन र बिरोधमा नभई स्वतन्त्र देशभक्त युवाहरुको सहभागितामा राष्ट्र बचाउन अभियान चलाईएको हो, यसमा सहभागिताका लागि सबै  देशप्रेमीलाई आग्रह गर्दछौं ।’