मेयर साव शौच गर्न कहाँ जाने ?

धनगढी

 मेयर साव शौच गर्न कहाँ जाने ? भन्दै धनगढीमा केही युवाले विश्व शौच दिवसका अवसरमा धर्ना दिएका छन्  ।

मेयर शाप दिशा लाग्यो कहाँ जाउँ < भन्ने व्यानर सहित धर्ना दिएका ती युवा युवतिले सोही व्यानरमा लेखेका थिए चर्पि भेटियो चुकुल छैन, चुकुल भेटियो पानी छैन ! सोही व्यानरमा ‘पहिला सार्वजनिक शौचालय देउ’ भन्दै मेयरलाई भनिएको छ ‘समृद्धि पछि लिउँला ।’

 नव युवा सञ्जालको आयोजनामा धर्ना आयोजना गरिएको सञ्जालका संयोजक कृतज्ञ शाहीले बताए । धनगढी जस्तो उच्च घना वस्ती भएको स्थानमा कम्तिमा ५ सय मिटरको दुरीका सार्वजनिक शौचालय हुनपर्नेमा त्यसो नभएपछि उप–महानगरपालिकालाई शौचालय निर्माणमा दवाव दिन धर्ना दिइएको उनले बताए ।

  ‘कम्तिमा ५–५ सय मिटरको दुरीमा शौचालय निर्माण गरिनुपर्नेमा भएका शौचालय समेत अव्यवस्थित छन्–‘उनले भने–‘यसले अशत्त र धनगढी घुम्न आउने नागरिकलाई मुस्किल हुँदै आएको छ, मेयरको ध्यानाकर्षण गर्न हामीले धर्ना दिएका हौं ।’

 सञ्जालकी सदस्य विना शाहीले सहज तरिकोले पायक पर्ने स्थानमा सार्वजनिक शौचालय नहुँदा महिलालाई निक्कै समस्या हुने गरेको बताइन् ।

 पुरुष हरु महिलाको तुलनामा कम लाज मान्ने हुँदा उनिहरुले जसोतसो शौच व्यवस्थापन गर्ने गरेको भएपनि महिलालाई बजार क्षत्रमा शौचको निककै समस्या हुने गरेको उनले बताइन् ।

 ‘सरकार समृद्धिका कुरा गर्छ’ उनले भनिन्–‘तर शौचालय नहुँदा कुना काप्चा र भित्तामा शौच गर्ने परिपार्टी अन्त्य गर्न सकिरहेको छैन, पहिला पायक पर्ने गरी व्यवस्थित शौचालय निर्माण गरिनु पर्दछ ।’