बैतडीमा ११ गाई मृत भेटिए, घटना स्थल पुग्दै अनुसन्धान टोली

धनगढी

 बैतडीको पुर्चौडी नगरपालिका स्थित वडा नम्बर ६ मा पर्ने भेरी खोलामा ११ गाई मृत भेटिएका छन् ।

 मृत्युको कारण भने नभेटिएको जिल्ला प्रहरी कार्यालय बैतडीले जनाएको छ । जिल्ला प्रहरी कार्यालय बैतडीका प्रमुख प्रहरी नायव उपरिक्षण्क नारायण प्रसाद अधिकारीले घटना स्थलमा प्रहरी सहित भेटनरी टोली खटाइएको भएपनि अझै घटना स्थलमा टोली नपुगेको बताए ।

 पुर्चौडी नगरपालिकाका मेयर रणबहादु कुँवरले खोलामा मृत भेटिएका गाई स्थानीय नभई आयातित भएको बताए । ‘गाई तराई बाट ल्याएर मारोको हुनसक्ने देख्न्छि’ उनले भने–‘तर त्यसको यकिन प्रमाण भेटिएको छैन, प्रहरीले अनुसन्धान गरिरहेको छ ।’

 मृतक भेटिएको गाईको यथार्थ अध्ययन गर्न घटना स्थलमा पुर्चौडी नगरपालिकाकी उप–मेयर जानकी ऐर बम सहित प्रहरी र भेटनरीका प्राबिधिकको टोली खटाइएको मेयर कुँवरले बताए ।

 पुर्चौडी नगरपालिको वडा अध्यक्ष जगी साउँदका अनुसार बैतडीको पाटन नगरपालिकाबाट गाई व्यवस्थापनका लागि जिम्मा पाएकाहरुले टिप्परमा बोकेर गाईलाई खोलामा खोलामा खसालेको हुन सक्ने आसंका गरिएको छ ।

 पाटन नगरपालिकाका प्रमुख प्रशासकिय अधिकृत नारायण दत्त पन्तले पाटनमा छाडा पशु चौपायको संख्या बढेपछि पुचौंडी नगरपालिकाका स्थानीय सुरेश पार्की र लक्ष्मण पार्कीलाई गाई व्यवस्थापनको जिम्मा दिइएको बताए ।

  ‘छाडा पशु चौपायाले स्थानीयलाई सताउन थालेपछि हामीले गाई व्यवस्थापनको जिम्मा दिएका हौं’ प्रमुख प्रशासकिय अधिकृ पन्तले भने–‘तर मारेको भन्ने पुष्टि हाल सम्म भएको छैन, हामी पनि घटना स्थलमा जाँदै छौं ।’