सेतीको परिक्षणमा थप ३७ जनामा कोरोना पुष्टि

धनगढी

 सेती प्रादेशिक अस्पताल प्रयोगशालामा सोमबार गरिएको परिक्षणमा थप ३७ जनामा कोरोना संक्रमण पुष्टि भएको छ ।

पछिल्लो २४ घण्टामा २ सय ५५ जनाको परीक्षण गर्दा थप ३७ जनामा संक्रमण पुष्टि भएको अस्पतालले जनाएको छ । अस्पतालका सूचना अधिकारी दिलिपकुमार श्रेष्ठले कैलालीको धनगढी उपमहानगरपालिकाका २५ जनामा संक्रमण देखिएको जानकारी दिए ।

  उनका अनुसार उपमहानगरपालिकाको वडा नम्बर १ का ७ जना, वडा नम्बर २ र ५ का ४÷४ जना, वडा नम्बर ८ का २ जना, त्यसैगरी वडा नम्बर ३, १२, १३, १६ र १७ का १÷१ जनामा संक्रमण देखिएको छ । यस्तै वडा नखुलेका धनगढीका ३ जनामा समेत कोरोना पुष्टि भएको   छ ।

 कैलालीकै भजनी नगरपालिकाका ४ जना, गोदावरी नगरपालिका र जानकी गाउँपालिकाका २÷२ जना र बर्दगोरिया गाउँपालिकाका १ जनामा समेत कोराना पुष्टि भएको उनले जानकारी दिए ।

यसैगरी कञ्चनपुरको कृष्णपुर नगरपालिका, पुनर्वास नगरपालिकाका र डडेल्धुराको परशुराम नगरपालिकाका १÷१ जनामा पनि संक्रमण पुष्टि भएको सूचना अधिकारी श्रेष्ठले जानकारी दिए ।