बिहिवार सुदूरपश्चिम प्रदेशमा थप ५२ जनामा संक्रमण

धनगढी

  सुदूरपश्चिम प्रदेशमा बिहिवार थप ५२ जनामा कोरोना संक्रमण पुष्टि भएको छ । प्रदेशका ४ वटा प्रयोगशालामा गरिएको परिक्षणमा ५२ जनामा संक्रमण देखिएको प्रदेश सामाजिक विकास मन्त्रालयले जनाएको छ ।

 मन्त्रालयका अनुसार बिहिवार सेती प्रादेशीक अस्पतालको प्रयोगशालामा २३ जना, डडेल्धुरा अस्पतालको प्रयोगशालामा १४ जना, बझाङ अस्पतालको प्रयोगशालामा ४ जना र अछामको कमलबजार प्रयोगशालामा ११ जना गरि ५२ जनामा कोरोना संक्रमण पुष्टि भएको हो ।

 बिहिवार थपिएका संक्रमितमा कैलालीका १८, कंचनपुरका ३, अछामका ११, बैतडीका २, बझाङका ४, डडेल्धुराका १२, दार्चुलाका एक  र डोटीका एक जना रहेको मन्त्रालयले जनाएको छ । बिहिवार ५२ जना थपिए संगै सुदूरपश्चिम प्रदेशमा संक्रमितको संख्या ११ हजार ४ सय ७२ पुगेको छ ।

 बिहिवार अछामका ६ जना, कंचनपुरका ५ जना र बैतडीका ३ जना कोरोना जितेर घर फर्किएका छन् । यो संगै प्रदेशमा संक्रमण निको हुनेको संख्या ९ हजार ६ सय ११ पुगेको छ ।

 मन्त्रालयका अनुसार सुदूरपश्चिम प्रदेशमा सकृय संक्रमितको संख्या १८ सय २२ रहेको छ । यस प्रदेशमा बिहिवार सम्म १ लाख १९ हजार ६ सय ७६ जनाको पिसआिर बिधिवाट स्वाव परिक्षण गरिएको मन्त्रालयले जनाएको छ । हाल सम्म सुदूरपश्चिम प्रदेशमा कोरोना संक्रमणबाट मृत्यु हुनेको संख्या ३९ पुगेको   छ ।