बाजुरामा कांग्रेस क्रियाशिल सदस्यता वितरणमा तिब्रता

बाजुरा

  नेपाली कांग्रेस बाजुराले क्रियाशिल सदस्यता वितरणमा तिब्रता दिएको छ । आगामी १४ औं महाधिवेशनलाई लक्षित गर्दै कांग्रेस बाजुरामा क्रियाशिल सदस्यता वितरण गर्ने अभियानमा तिब्रता दिइएको हो ।

 जिल्ला कार्यसमिति बाजुराले क्रियाशिल सदस्य नविकरण तथा वितरण कार्यक्रम जिल्लाका ९ वटै स्थानीय तह र ६९ वटै वडामा गर्ने भन्ने निर्णय अनुसार बिहिवार बुढिगंगा नगरपालिकामा नेपाली कांग्रेस बाजुराका पुर्ब सभापति एबं पूर्व सांसद देवराज जोशीको प्रमुख आथित्यतमा सम्पन्न भएको छ ।

 उक्त कार्यक्रममा विशिष्ट अथिति महाविधेशन प्रतिनिधि पुर्ण बिक्रम सिंह, जनक सिंह, जिल्ला सचिव रनसिंह अएडी र पार्टीका जिल्ला सदस्य तथा संचार विभाग प्रमुख तिलक पुरी लगायतको सहभागिता रहेको थियो । 

 उक्त कार्यक्रम नेविसंघ जिल्ला सदस्य रुगम रावलले संचालन गरेका थिए । विशिष्ट अथिति पुर्ण बिक्रम सिंहले नयाँ क्रियाशिल बाढ्दा समावेशी तरिकाले र सक्रिय सदस्यलाई छुट्याउन नहुनेमा जोड दिए ।  उक्त कार्यक्रममा नेकपा प्रदेश अध्यक्ष एवम् नेकपा पूर्वमन्त्री कर्ण बहादुर थापाको गाउँबाट ६८ परिवारले नेकपा परित्याग गरि कांग्रेसमा प्रवेश गरेको जनाइएको छ ।