कैलालीका २७ सहित थप ४१ जनामा कोरोना संक्रमण पुष्टि

धनगढी

 कैलालीका २७ सहित सेतीको परिक्षणमा थप ४१ जनामा कोरोना संक्रमण पुष्टि भएको छ ।

 धनगढी स्थित सेती प्रादेशिक अस्पतालको प्रयोगशालामा गरिएको २ सय ८ जनाको स्वाव परिक्षणमा कैलालीका २७ सहित विभिन्न जिल्लाका ४१ जनामा संक्रमण पुष्टि भएको अस्पतालले जनाएको छ ।

 अस्पतालका सूचना अधिकारी दिलिपकुमार श्रेष्ठका अनुसार आइतबार संक्रमण पुष्टि हुनेमा कैलालीको धनगढी उप–महानगरपालिकाका २१, गौरीगंगा नगरपालिकाका ३ जना, गोदावरी नगरपालिकाका २ र टीकापुर नगरपालिकाका १ जना रहेका छन् ।

 आइतबार नै कञ्चनपुरको बेदकोट नगरपालिकाका ४ जना, शुक्लाफाँटा नगरपालिकाका र कृष्णपुर नगरपालिकाका २÷२ जना तथा बेलौली नगरपालिकाका १ जनामा समेत कोरोना संक्रमण पुष्टि भएको सूचना अधिकारी श्रेष्ठले बताए ।

 सूचना अधिकारी श्रेष्ठका अनुसार आइतबार नै सेतीको परिक्षणमा डोटीका ५ जनामा समेत संक्रमण पुष्टि भएको छ ।