सेतीको परिक्षणमा थप थप ५३ जनामा कोरोना पुष्टि

धनगढी

 सुदूरपश्चिमका थप ५३ जनामा कोरोना संक्रमण पुष्टि भएको छ । सेती प्रादेशिक अस्पताल प्रयोगशालामा सोमबार १ सय ९७ नमूना परीक्षण गर्दा कैलालीका ४३ सहित सुदूरपश्चिमका ५३ जनामा संक्रमण पुष्टि भएको अस्पतालले जनाएको छ ।

  अस्पतालका सूचना अधिकारी दिलिपकुमार श्रेष्ठले कैलालीको धनगढी उप–महानगरपालिकाका थप ४१ जनामा संक्रमण पुष्टि भएको जानकारी दिए ।  

 यस्तै कैलालीकै गोदावरी नगरपालिकाका २ जना, कञ्चनपुरको बेलौरी नगरपालिकाका ४ जना, भीमदत्त नगरपालिकाका २ जना, त्यसैगरी शुक्लाफाँटा नगरपालिका र बेलडाडी गाउँपालिकाका १÷१ जनामा समेत संक्रमण पुष्टि भएको छ । यसैगरी सेतीकै परिक्षणमा बझाङ र बाजुराका १÷१ जनामा पनि संक्रमण पुष्टि भएको छ ।