कैलालीका ३५ सहित थप ७१ जनामा कोरोना संक्रमण पुष्टि

धनगढी

 कैलालीका ३५ सहित सुदूरपश्चिममा बुधबार थप ७१ जनामा कोरोना संक्रमण पुष्टि भएको छ ।

 धनगढी स्थित सेती प्रादेशिक अस्पतालमा गरिएको ३ सय ९५ जनाको स्वाव परिक्षणमा कैलालीका ३५, कञ्चनपुरका ३२,  बैतडीका २ र डोडीका १ जनामा संक्रमण पुष्टि भएको अस्पतालले जनाएको छ ।

 अस्पतालका सूचना अधिकारी दिलिप कुमार श्रेष्ठका अनुसार संक्रमण पुष्टि हुनेमा कैलालीको धनगढी उप–महानगरपालिकाका २० जना, गोदावरी नगरपालिकाका ४ जना तथा गौरिगंगा नगरपालिकाका र लम्की चुहा नगरपालिकाका १÷१ जनामा संक्रमण पुष्टि हुँदा टिकापुर नगरपालिका, जानकी गाउँपालिका र मोहन्याल गाउँपालिकाका ३÷३ जनामा संक्रमण पुष्टि भएको छ ।

 बुधबारनै सेतीको परिक्षणमा कञ्चनपुरको बेलौरी नगरपालिका र पुनर्वास नगरपालिकाका २÷२ जनामा कोरोना संक्रमण पुष्टि हुँदा भिमदत्त नगरपालिकाका १७, दोधारा चाँदनी नगरपालिकाका ७ तथा वेदकोट नगरपालिकाका ४ जनामा समेत संक्रमण पुष्टि भएको सूचना अधिकारी श्रेष्ठले बताए ।

 उनका अनुसार बुधबारनै सेतीको परिक्षणमा बैतडीको पाटन नगरपालिकाका २, शिवनाथ गाउँपालिकाका १ तथा डोटीको दिपाय शिलगढी नगरपालिकाका १ जनामा समेत कोरोना संक्रमण पुष्टि भएको छ ।