रेशमको पेशी माथी फैसला हुँदै

धनगढी
 टिकापुर घटनाका आरोपित रेशम चौधरीको मृद्धामाथी परेको पेशीमा उच्च अदालत दिपायलले आज फैसला गर्दै छ । उच्च अदालत दिपायलका अनुसार केही बेर अघि रेशमको पेशीमा बहस सुरु भएको छ ।

 उच्च अदालतका न्यायधिस टेकनारायण कुँवर र सिताराम मण्डलको संयुक्त इजलासले मुद्धा हेरिरहेका छन् । त्यसैगरी रेशम चौधरीको पक्षमा गम्भिर सिंह ऐर, गंगाराम पाध्याय र गजेन्द्र केसीले बहस गरिरहेका छन् । 
 उच्च अदालत दिपायलकी निमित्त रजिष्टार सिता रेग्मीका अनुसार सम्भवतः आजनै उच्च अदालतले रेशमको मुद्धालाई किनारा लगाउने छ ।