सुदूरपश्चिममा थप ८३ जनामा संक्रमण पुष्टि

धनगढी

 सुदूरपश्चिम प्रदेशमा बिहिवार ८३ जना कोरोना संक्रमित थपिएका छन् । प्रदेशका ५ वटा प्रयोगशालामा गरिएको परिक्षणमा ८३ जनामा कोरोना पुष्टि भएको  प्रदेश सामाजिक विकास मन्त्रालयले जानकारी दिएको छ ।

 मन्त्रालयका अनुसार बिहिवार सेती प्रादेशीक अस्पतालको प्रयोगशालामा गरिएको परिक्षणमा ५७ जना, डडेल्धुरा अस्पतालको प्रयोगशालामा ४ जना, बझाङ अस्पतालको प्रयोगशालामा १५ जना, बैतडी अस्पतालको प्रयोगशालामा १ जना र अछामको कमलबजार प्रयोगशालामा ६ जना गरि ८३ जनामा संक्रमण पुष्टि भएको छ ।

सेती प्रादेशिक अस्पतालको प्रयोगशालामा पछिल्लो २४ घण्टामा ४ सय ८ स्वाब नमूना परीक्षण गर्दा २० महिला र ३७ पुरुष गरी ५७ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए ।

 उनका अनुसार बिहिवार धनगढी उपमहानगरपालिकाका सबैभन्दा बढी १२, कैलालीको भजनी नगरपालिकाका ५जना, गोदावरी नगरपालिकाका, कैलारी जानकी गाउँपालीकाका २÷२जना, टिकापुरका एक जना र  कैलालीको स्थानीय तह नखुलेका ७ जनामा पनि कोरोना पुष्टि भएको छ । यस्तै कन्चनपुरको भीमदत्त नगरपालिकाका ४ जना, बेतकोटका २ जना, कृष्णपुर नगरापालिका र शुक्लाफाँटाका  १÷१ जनामा संक्रमित पुष्टि भएको सूचना अधिकारी श्रेष्ठले बताए ।

 कञ्चनपुरको स्थानीय तह नखुलेका ३ जनामा पनि संक्रमण पुष्टी भएको हो । उता बाजुराका १४ र दार्चुलाका एक जनामा पनि संक्रमण पुष्टी भएको अस्पतालले जनाएको      छ ।

 मन्त्रालयका अनुसार संक्रमण पुष्टि भएका मध्य बिहिवार सम्म प्रदेशका बिभिन्न जिल्लामा गरि १० हजार १ सय १२ जना संक्रमणमुक्त भएर घर फर्किएका छन् ।