सुदूरपश्चिममा थप ७२ जनामा कोरोना संक्रमण पुष्टि

धनगढी

 सुदूरपश्चिम प्रदेशमा आइतबार थप ७२ जनामा कोरोना संक्रमण पुष्टि भएको छ । प्रदेशका ३ वटा प्रयोगशालाबाट ७ सय १२ जनाको स्वाव परिक्षण गर्दा ७२ जनामा कोरोना संक्रमण पुष्टि भएको सामाजिक विकास मन्त्रालयले जनाएको छ ।

 सामाजिक विकास मन्त्रालयका अनुसार आइतबार सेती प्रादेशिक अस्पतालको परिक्षणमा ५६, बैतडी अस्पतालको प्रयोगलामा गरिएको परिक्षणमा १ र अछामको कमलबजार प्रयोगशालामा गरिएको परिक्षणमा १५ गरी ७२ जनामा कोरोना संक्रमण पुष्टि भएको हो ।

 आइतबार कैलालीका ५६, कञ्चनपुरका ११, अछामका ११, बैतडीका २ र अन्य जिल्लाका २ जनामा संक्रमण पुष्टि भएको मन्त्रालयका प्रबक्ता नरेन्द्र सिंह कार्कीले बताए ।

यो संगै सुदूरपश्चिम प्रदेशमा कोरोना संक्रमण पुष्टि हुनेको संख्या १२ हजार ८ सय ८० पुगेको छ । संक्रमण पुष्टि भएका मध्य आइतबार सम्म १० हजार ३ सय २१ जना निको भएर घर गएका छन् भने २ हजार ५ सय १२ जनामा सक्रिय संक्रमण रहेको प्रबक्ता कार्कीले बताए । मन्त्रालयका अनुसार संक्रमित मध्य ३ सय २६ जनालाई विभिन्न अस्पतालमा रहेका आइसोलेसनमा राखेर उपचार गराई रहेको मन्त्रालयले जनाएको छ ।

 आइतबार कञ्चनपुरबाट १७ र कैलालीबाट ६२ जना कोरोना संक्रमण मुक्त भएर घर फर्केका मन्त्रालयले जनाएको छ । सुदूरपश्चिममा  आइतबार सम्म कोरोना संक्रमणका कारण ४७ जनाको मृत्यु भएको छ । मृत्यु हुनेमा कैलालीका २६, कञ्चनपुरका ७, अछाम, बाजुरार र दार्चुलाका २÷२ जना, बझाङ र डडेल्धुराका ३÷३ जना तथा डोटी र बेतडीका १÷१ जना रहेका छन् ।

 सुदूरपश्चिममा हालसम्म १ लाख २७ हजार ६ सय १३ जनाको स्वाव परिक्षण गरिएकोमा १ लाल २७ हजार १ सय ३४ जनाको स्वाव परिक्षण गरिएको मन्त्रालयले जनाएको   छ । परिक्षण गरिएका मध्य ४ सय ७९ जनाको स्वाव परिक्षणको नतिजा आउन बाँकी रहेको छ ।