प्रतिनिधि सभा बिघटनको बिरोधमा जसपाको धनगढीमा बिरोध प्रर्दशन

धनगढी

संघिय संसद बिघटन गरेको बिरोधमा जनता समाजबादी पार्टी नेपालले धनगढीमा बिरोध प्रर्दशन गरेको छ ।

  जसपाले देशभर नै संसद बिघटनको बिरोध गरिरहेको छ । यसै क्रममा धनगढीमा सरकारको उक्त कदमको विरुद्ध प्रदर्शन गरेको हो ।

 बुधबार धनगढीको क्याम्पस चोकदेखि एलएन चोकसम्म सरकार विरुद्ध नाराबाजी सहित बिरोध र्यालीको आयोजना गरेको छ ।

र्यालीलाई सम्बोधन गर्दै जसपाका केन्द्रिय सदस्य डक्टर जनक शाहले हरियो शर्पले देशलाई बरबाद पार्न खोजेकाले आन्दोलन गरिएको बताए । प्रधानमन्त्री केपि शर्मा ओलि र राष्ट्रपति विद्यादेवी भण्डारीलाई हरियो शर्पको संज्ञा दिंदै उनले सवै दल मिलेर हरियो शर्पको हातबाट देशलाई बताउनु पर्ने बताए । उनले संसद भंग गर्ने अधिकार केपि ओलि र राष्ट्रपतिलाई नभएको जिकिर गरे । 
जसपाका केन्द्रिय सदस्य राजेन्द्र देवकोटाले टिकापुर घटनामा दोषी ठहर गर्दै आजीवन कारावासको सजाय सुनाइएका थारु नेताको रिहाई हुनु र्ने बताए । उनले थारु नेताका पक्षमा पहाडी समुदाय समेत भएको  बताए । 
त्यसै गरी जसपाका विद्यार्थी नेता टंक थमनले केपि ओलिलाई सिंहदरवारबाट निकाल्नु पर्ने बताए । देशमा अप्ठ्यारो आउँदा विद्यार्थीले गर्ने आन्दोलन महत्वपूर्ण हुने बताउँदै उनले वर्तमान समयमा पनि युवा शक्तिले केपि अ‍ोलीलाई बर्खास्त गर्ने बताए ।
थरुवान थरुहट राष्ट्रिय मोर्चाका कैलाली संयोजक माधव थारुले थारुका मुद्धालाई कम्जोर पार्न थारु नेतालाई जेल कोच्ने सरकारको कदम विरुद्ध आन्दोलन गर्ने बताए । उनले थारु नेतालाई जेल हाल्ने निर्णय गरेर सरकारले सिंङ्गो थारु समुदय माथी अन्याय गरेको बताए । कार्यक्रममा प्रदेशसभा सदस्य मालामति राना लगायतले मन्तव्य व्यक्त गरेका थिए । कार्यक्रम सञ्चालन जसपाका प्रदेश अध्यक्ष कृष्ण कुमार चौधरी कुन्दनले गरेका थिए ।