संघिय संसद बिघटनाका बिरुद्ध जसपाको प्रदर्शन

धनगढी

 संघिय संसद विधटन गरेको विरोधमा जनता समाजबादी पार्टी सुदूरपश्चिम प्रदेश कमिटिले धनगढीमा प्रदर्शन गरेको छ ।

धनगढी चौरहबाट सुरु भएको प्रदर्शन धनगढीको पार्कमोडमा समापन भएको थियो । समापन कार्यक्रममा बोल्दै जसपा कैलालीका अध्यक्ष गयाप्रसाद कुस्मीले केपि ओली एक्लैले संसद विघटन गरेर देशमा अराजकता निम्त्याउन खोजेको भन्दै त्यसका विरुद्ध सवै एकजुट हुनुपर्ने बताए ।

 ‘हाम्रो आन्दोलन प्रधानमन्त्री केपि ओलिको राष्ट्रघाती कदमका विरुद्धको आन्दोलन हो’ उनले भने–‘जब सम्म प्रधानमन्त्रीले आफ्नो निर्णय सचउँदैनन्, तब सम्म आन्दोलन जारी रहनेछ ।’ उनले टिकापुर घटनामा जबरजस्ती दोसी देखाएर सजाय सुनाइएका शेरम चौधरी लगायत थारु नेताको रिहाई हुनुपर्ने बताए ।

 उनले सरकारको अलोकतान्त्रिक कदमका विरुद्ध सवैले आ–आफ्नो क्षत्रबाट विरोध गर्नुपर्ने बताए । जसपाका केन्द्रिय सदस्य मिनराज बडुले जनताको मतलाई लत्यउँदै प्रधानमन्त्री र राष्ट्रपतिले गरेको संसद विघटन मान्य नहुने बताए । उनले तत्काल संसद सुचारु गरी देशलाई ठुलो दुर्घटना हुनबाट जोगाउनु पर्ने बताए ।

 केन्द्रिय सदस्य प्रेममति रानाले प्रधानमन्त्री केपि ओलीको इसारामा उच्च अदालतले विना प्रमाण शेरम चौधरी लगायत थारु नेतालाई कारावास सजाय सुनाएको भन्दै सो निर्णय नमान्ने बताइन् ।

 जसपाका नेता सीता नागरी प्रभास भारतका अध्यक्ष प्रकाश नेपाली लगायतले मन्तव्य व्यक्त गरेका थिए ।