निर्वाचनमा जानुपर्ने काँग्रेस नेताको भनाई

धनगढी

  सुदूरपश्चिम प्रदेशको राजधानी धनगढीमा नेपाली काँग्रेसले बृहत मोटरसाईकल ¥याली सहित प्रदर्शन गरेको छ । संसद बिघटनको बिरुद्धमा नेपाली काँग्रेस क्षेत्रिय समितिको आयोजनामा धनगढीमा प्रर्दशन गरिएको हो ।

  धनगढीको क्याम्पसचौकबाट सुरु भएको मोटरसाईकल ¥याली ट्राफिक चौराहमा पुगेर कोण सभामा परिणत भएको थियो । कोणसभालाई सम्बोधन गर्दै नेपाली काँग्रेस कैलालीका सभापति नरनारायण शाहले प्रतिनिधि सभा बिघटन गर्नु असंबैधानीक रहेको बताए । उनले संबिधान बिपरित प्रधानमन्त्री केपी ओलीले  संसद बिघटन गरेको बताउँदै यसका बिरुद्ध काँग्रेस सडकमा आएको बताए । तर उनले संसद पुर्नस्थापना गर्नुपर्छ भनेर आफ्नो सम्बोधनमा उल्लेख गरेनन् । उनले भने–‘निर्वाचन हुने सुनिश्चितताका लागि काँग्रेसले दवाव दिनुपर्छ, निर्वाचन हुने सुनिश्चितता भए निर्वाचनमा सहभागि हुनु पर्छ ।’ संसद पुर्नस्थापनाको माग गरे फेरी पनि देश अनिर्णयको बन्दी हुने उनले बताए । उनले भने–‘संसद पुर्नस्थापना भए कम्न्युष्टहरु मिलेर देशलाई फेरी बर्बाद गर्छन, अहिले फुटे जस्तो देखिए पनि फेरी मिलेर देश लुटछन ।’

  देशलाई फेरी अनिर्णयको बन्दी बनाउनु भन्दा निर्वाचन गराएर देशलाई गति दिनुपर्ने सभापति शाहको भनाई छ । यसैगरी कोण सभामा सम्बोधन गरेका नेपाली काँग्रेसका नगरसभापति एबं धनगढी उपमहानगरपालिकाका नगरप्रमुख नृप बहादुर वडले पनि निर्वाचनमै जोड दिए । उनले भने–‘तीन बर्ष बहुमतका साथ सरकारको नेतृत्व गरेको नेकपाले देशलाई बर्बाद बनाएको छ,जनतालाई धोका दिएको छ, अब काँग्रेसले ताजा जनादेशमा नै जानुपर्छ ।’ धनगढी बजारमा  निकालिएको ¥यालीमा पनि असंबैधानिक कदम र नेकपा सरकारको बिरोध गरिएको थियो भने संसद पुर्नस्थापनाका बारेमा कुनै आवाज सुनिएन ।

  कोण सभा क्षेत्रिय सभापति हरिश खडकाको सभापतित्वमा सम्पन्न भएको थियो ।