सेतीमा गरिएको परीक्षणमा कैलालीका २८ सहित थप ४८ जनामा कोरोना पुष्टि

धनगढी

  सेती प्रादेशिक अस्पतालको प्रयोगशालामा विहिवार गरिएको परीक्षणमा कैलालीका २८ सहित थप आज ४८ जनामा कोरोना संक्रमण पुष्टि भएको छ ।

 अस्पतालले दिएको जानकारी अनुसार पछिल्लो २४ घण्टामा २ सय ४६ जनाको नमूना परीक्षण गर्दा ४८ जनामा कोरोना पुष्टि भएको हो ।

 अस्पतालका सूचना अधिकारी दिलिपकुमार श्रेष्ठका अनुसार धनगढी उपमहानगरपालिकामा १६, गोदावरी नगरपालिकाका १० र गौरीगंगा नगरपालिकामा २ जनामा कोरोना संक्रमण  पुष्टि भएको छ ।

यसैगरी कञ्चनपुरको बेदकोट र दोधरा चाँदनी नगरपालिकाका तीन÷तीन जना, भिमदत्तका ४ जना, बेलडाडीका एक जना, बाजुराका ८ जना र डडेल्धुराका एक जनामा पनि कोरोना संक्रमण पुष्टि भएको अस्पतालले जनाएको छ ।