सुदूरपश्चिममा थप ४१ जनामा संक्रमण पुष्टि

धनगढी

  मंगलबार सुदूरपश्चिममा थप ४१ जनामा कोरोना संक्रमण पुष्टि भएको छ । सामाजिक बिकास मन्त्रालयका अनुसार प्रदेशका ५ वटा प्रयोगशालामा गरीएको परीक्षणमा ४१ जनामा संक्रमण पुष्टि भएको हो ।

  सेती प्रादेशिक अस्पताल प्रयोगशालामा मंगलबार २ सय ८ नमूना परीक्षण गर्दा कैलालीका थप २० जनामा संक्रमण पुष्टि भएको छ । अस्पतालका सूचना अधिकारी दिलिपकुमार श्रेष्ठले धनगढी उप–महानगरपालिकाका १८ जनामा संक्रमण देखिएको बताए । यस्तै कैलालीकै टीकापुर नगरपालिका र घोडाघोडी नगरपालिकाका १÷१ जनामा समेत संक्रमण पुष्टि भएको छ ।

  यस्तै डडेल्धुरा अस्पतालको प्रयोगशालामा ६ जना, बैतडी जिल्ला अस्पतालको प्रयोगशालामा ६ जना, डोटी जिल्ला अस्पतालको प्रयोगशालामा ६ जना र अछामको कमल बजार प्रयोगशालाका ३ जनामा कोरोना पुष्टि भएको सामाजिक बिकास मन्त्रालयले जनाएको छ ।

  यो संगै सुदूरपश्चिम प्रदेशमा कोरोना संक्रमितको संख्या १३ हजार ७ सय २८ पुगेको छ । संक्रमण पुष्टि भएका मध्य ११ हजार ७६ जना डिस्चार्ज भएका छन  ।